Il-midfielder offensiv Ġappuniż, Shunsuke Nakamura, ħabbar li dendel għalkollox iż-żarbun tal-futbol fl-eta’ ta’ 44 sena. Fi stqarrija li kiteb fuq is-sit soċjali tiegħu fuq Twitter, Nakamura qal li wasal iż-żmien li jieqaf minn din il-logħba tant sabiħa u jibda paġna ġdida f’ħajtu.
Diversi partitarji ta’ Reggina Calcio fl-Italja onoraw lil dan il-plejer filwaqt li kitbu b’mod pożittiv fuq is-sit soċjali tagħhom fuq Facebook fejn fakkru l-gowls li skorja dan il-plejer partikolarment minn frikiks u xuttijiet minn barra l-kaxxa.
Nakamura lagħab ukoll ma’ Celtic, Espanol, Jubilo Iwata u Yokohama.
