Hibernians Football Club ħabbru l-ħatra ta’ Silvio Vella bħala l-Head Coach il-ġdid tagħhom.
Silvio jġib miegħu esperjenza kbira, fejn qabel lagħab u kien captain ta’ Hibernians FC, rebaħ il-Kampjonat bħala plejer fl-istaġuni 1994/95 u 2001/02. Aktar tard beda l-karriera tiegħu ta’ kowċ ma’ Rabat Ajax FC u eventwalment inħatar bħala l-kowċ tat-tim ta’ Malta U21.
Il-klabb xtaq jirringrazzja lill-Malta Football Association għall-ftehim u l-appoġġ tagħhom biex din il-mossa tkun possibbli.
Hibernians FC awguraw lil Silvio l-aħjar xorti għall-futur, bit-tama li jerġgħu ikunu fit-triq it-tajba biex jilħqu l-għanijiet tagħhom biex jiksbu post fl-Ewropa fi tmiem l-istaġun.
