Hekk kif bħalissa Napoli jinsabu f’Dimaro għall-ewwel kamp ta’ taħriġ tal-istaġun il-ġdid, tkellem il-kowċ Rudi Garcia f’konferenza stampa għall-ġurnalisti tal-post u aċċertahom li l-attakkant internazzjonali Niġerjan Viktor Osimhen se jibqa’ magħhom anke fix-xhur li ġejjin.
Minkejja li Osimhen qed jiġi segwit minn diversi klabbs Ewropej, Garcia qal li tkellem miegħu u pperswadih li għandu post fil-metodu tattiku tiegħu. Minkejja li bħalissa hu mhux qiegħed f’Dimaro, il-ġimgħa d-dieħla Osimhen mistenni jingħaqad ma’ sħabu fit-tentattiv li i Partenopei jħajruh jibqa’ magħhom u jkun il-protagonista mhux biss fis-serie A iżda wkoll fil-UEFA Champions League.
