Sirens ġew inkurunati Champions tat-tieni edizzjoni tal-Kampjonat BOV tal-Water tax-xitwa tan-nisa.
It-tim minn Buġibba sar il-forza dominanti fil-Water Polo tan-Nisa f’dawn l-aħħar sentejn, fejn rebaħ l-ewwel 2 edizzjonijiet tal-Kampjonat tan-nisa tax-Xitwa kif ukoll il-kampjonati tas-sajf fl-2021 u l-2022.
It-tfajliet ta’ Sirens iddominaw l-oppożizzjoni, fejn rebħu l-partiti kollha tagħhom f’dan il-kampjonat u ssiġġillaw it-titlu b’rebħa komda fuq San Giljan bl-iskor ta’ 15-8 fl-aħħar logħba tal-istaġun.
Joseph Agius, Chief Officer fil-Bank of Valletta u Randolph Cauchi – viċi-president tal-Assoċjazzjoni tal-iSport Akkwatiku ta’ Malta ppreżentaw it-trofew tal-Kampjonat BOV Water Polo tax-Xitwa tan-Nisa lil Sirens.
