Sirens …………..3
Birkirkara …….2
Sirens skorjaw tliet goals fit-tieni taqsima biex dawru żvantaġġ ta’ żewġ goals u għelbu lil Birkirkara bl-iskor ta’ 3-2 anke jekk spiċċaw jilagħbu b’disa’ players.
Birkirkara, li riedu rebħa biex iżommu l-pass ma’ Hibernians, wara biss sitt minuti, marru viċin li jiftħu l-iskor meta Jeferson Macedo bidel il-ballun ma’ Federico Falcone wara throw-in bl-attakkant Brażiljan ifalli l-mira bi ftit.
Iżda fit-13-il minuta huma marru fil-vantaġġ meta ngħataw penalty wara li Luke Montebello ġie mbuttat minn Zammit Lonardelli u l-istess player ma żbaljax.
Tliet minuti wara, Sirens irrispondew bi free-kick mill-isbaħ ta’ Fernando Brandan li ra lill-goalkeeper Karkariż, Daniel Fernandes idawwar f’corner.
Man-nofs siegħa logħob, Vieira kellu tentattiv imblukkat minn Fernandes bil-ballun jasal għand Brandan li minn barra l-kaxxa kkonkluda ftit barra.
Iżda sitt minuti minn tmiem l-ewwel taqsima, Birkirkara rduppjaw hekk kif Jeferson Macedo avvanza u għadda l-ballun lejn Paul Mbong fuq il-lemin u mill-cross ta’ dan ta’ l-aħħar, LUKE MONTEBELLO spara fis-saqaf tax-xibka.
Fit-53 minuta, Sirens naqqsu d-distakk hekk kif Fernando Brandan u qassam lejn VITOR VIEIRA li spara l-ballun ġewwa fuq l-ewwel lasta.
Fit-72 minuta, il-Pawlini kisbu d-draw meta f’kontrattakk veloċi Kemar Reid avvanza iżda ġie mwaqqa’ fil-kaxxa minn Cain Attard biex mill-11-il metru FERNANDO BRANDAN ma żbaljax.
Żewġ minuti wara, Sirens skorjaw il-goal tar-rebħa minn rebound ta’ KEMAR REID wara li l-ewwel tentattiv tiegħu ġie milqugħ parzjalment minn Daniel Fernandes.
Għaxar minuti mit-tmiem seħħ incident kurjuż hekk kif kienu se jsiru żewġ sositutuzzjonijiet għal Sirens b’ Degran Jackson ma joħroġx mill-pitch mill-ewwel u jirċievi t-tieni karta safra u b’hekk jitkeċċa.
Fid-89 minuta kien imiss lil Kemar Reid li jirċievi t-tieni karta safra għal foul u b’hekk safa wkoll mkeċċi.
SIRENS: 13-Sean Mintoff, 9-Kemar Reid, 10-Fernando Brandan, 14-Diego Albanese, 15-Adrian Borg, 17-Jacob Walker, 21-Carlo Zammit Lonardelli, 22-Alexander Cini, 30-Carlos Riascos (23-Francis William Avoce 68), 31-Degran Jackson, 33-Vitor Vieira (18-Conor Borg 80) – Coach: Winston Muscat
BIRKIRKARA: 1-Daniel Fernandes, 5-Enrico Pepe, 7-Luke Montebello, 8-Claudio Bonanni (30-Kilian Bevis 85), 10-Paul Mbong (6-Yannick Yankam 85), 11-Kurt Zammit, 20-Federico Falcone, 22-Cain Attard, 25-Oscar Carniello (2-Enzo Ruiz 46), 27-Leandro Aguirre, 70-Jeferson Macedo. – Coach: Andre Paus
REFEREE: Daniel Portelli
ASS. REFEREES: Duncan Sultana, Paul Apap
RABA’ UFF: Trustin Farrugia Cann
SKORERS: L. Montebello 13 pen, 39 (B); V. Viera 53, F. Brandan 74 pen, K. Reid 76
AMMONITI: O. Carniello, L. Aguirre, D. Fernandes (B); D. Jackson, K. Reid (S)
TKEĊĊEW: D. Jackson 80, K. Reid 89 (S)
PLAYER TAL-LOGĦBA: Luke Montebello (Birkirkara)
