Sirens…………….3
Marsaxlokk……..2
F’partita mill-isbaħ u li pproduċiet xejn inqas minn ħames goals, Sirens għelbu lil Marsaxlokk bl-iskor ta’ 3-2, u dan minkellja li lagħbu għal aktar minn taqsima sħiħa, b’10 players.
Sirens fethu l-iskor fl-10 minuta meta l-ballun intemm għand Kei Sano fil-kaxxa li kellu x-xutt tiegħu mblukkat mid-difiża ta’ Marsaxlokk, qabel intemm għand JACOB WALKER, li mill-viċin tefa’ ġewwa.
Fit-32 minuta, huma kabbru l-marġni tal-iskor meta minn kontratakk veloċi, il-ballun intemm għand Kei Sano li għadda tajjeb lejn REI TACHIKAWA, li bi preċiżjoni tefa’ l-ballun fir-rokna tax-xibka.
Kontra x-xejra tal-logħob, Marsaxlokk naqqsu l-marġni tal-iskor fit-42 minuta, meta DANIEL AGIUS minn pożizzjoni ideali tefa’ l-ballun fix-xibka.
Dan sabiex żewġ minuti biss wara Sirens qalgħu daqqa ta’ ħarta meta spiċċaw jilagħbu b’10 players wara li tkeċċa għalihom Sean Cipriott permezz ta’ karta ħamra diretta, wara foul perikoluż fuq Santiago Moracci.
U biex l-affarijiet ikomplu ġejjin ħażin għat-team minn San Pawl il-Baħar, Marsaxlokk, ġabu l-iskor indaqs fil-45 minuta, meta wara li rċieva minn corner ta’ Daniel Agius, PETER XUEREB, kien fil-psst it-tajjeb fil-mument opportun u mill-viċin tefa’ ġewwa.
Fl-84 mnuta, Sirens skorjaw il-goal tar-rebħa, meta Kei Sano xeħet cross li sab lil JACOB WALKER li permezz ta’ daqqa ta’ ras preċiża tefa’ ġewwa, biex b’hekk irreġistra doppjetta personali.
Sirens: 24-Matthew Grech, 3-Gary Camilleri, 6-Marcelo Pereira (38-Stephane Sessegnon 72), 7-Kei Sano, 8-Rei Tachikawa, 10-Sean Cipriott, 15-Adrian Borg, 17-Jacob Walker, 21-Armah Vaikainah, 22-Alex Cini (31-Degran Jackson 79), 23-Ricardo Correa Duarte (92-Andreas Vella 85) Coach: Winston Muscat
Marsaxlokk: 95-Marko Drobnjak, 7-Ayrton Attard (20-Peter Sammut 77), 17-Peter Xuereb (5-Christopher Edafe Uzeh 63), 21-Adrian Santiago Ferraris, 24-Juan Cruz Aguillar, 25-Oscar Carniello, 30-Ryan Scicluna, 37-Santiago Moracci, 88-Dejan Vukovic (22-Dale Mifsud 63), 96-Daniel Agius, 99-Tiago Adan Fonseca (8-Terence Vella 51) Coach: Pablo Doffo
Referee: Daniel Portelli
Ass. Referees: Mitchell Scerri, Max-Lee Muscat
Raba’ Uffiċjal: Ezekiel Barbara
Skorers: J. Walker 11, 84, R. Tachikawa 32 (S), D. Agius 42, P. Xuereb 45 (M)
Tkeċċa: S. Cipriott 44 (S)
Ammoniti: P. Xuereb, D. Agius, A. S. Ferraris (M) A. Vaikainah (S)
Player tal-Logħba: Kei Sano (S)
