Matul il-lejl li għadda, il-pulizija wettqet iżjed minn 30 roadcheck madwar Malta u Għawdex, fejn fihom twaqqfu ’l fuq minn 700 vettura.
Waqt dawn il-kontrolli ngħataw iżjed minn 100 taħrika u nħarġu wkoll 22 akkuża, filwaqt li saru numru ta’ breathylser tests, li minnhom 6 kienu pożittivi.
Grazzi għall-ħidma kollettiva tal-membri tal-Korp tal-Pulizija u l-kooperazzjoni tal-pubbliku, l-ebda inċident tat-traffiku maġġuri ma ġie rrappurtat f’dan l-ewwel lejl tas-sena.
