Jidher li ftit se jifdal spazju għall-winger ta’ Real Madrid Ferland Mendy. Dan il-plejer qed ikun imweġġa’ ta’ spiss u għalhekk nieqes mil-logħob kompetittiv.
Il-kuntratt ta’ Mendy jiskadi fis-sena 2025 u ġaladarba l-plejer jirkupra, m’hemmx garanzija li jsib postu mal-ewwel ħdax iktar u iktar għax iż-żagħżugħ Fran Garcia qed juri talent fl-ewwel dehriet tiegħu f’dan l-istaġun.
Fattur ieħor li jista’ jinfluwenza n-nuqqas ta’ spazju għal Mendy hu proprju d-deċiżjoni li Real Madrid imorru għal Alphonso Davies fis-sajf li ġej sabiex isaħħu l-iskwadra tagħhom.
