“Skużani ma stajtx insalvak…” Hekk qal Paolo, missier Giovanni waqt li f’Muggia fil-Provinċja ta’ Trieste ngħata l-aħħar tislima ibnu ta’ 9 snin.
L-istorja ta’ Giovanni hija waħda li ħasdet provinċja sħiħa.
Omm u missier Giovanni nfirdu fl-2017 u l-omm kienet tara lil binha permezz tal-ħaddiema soċjali. Ġara li wara battalja legali, il-Qorti ta l-permess li l-aċċess li jkollhom l-omm ikun bla superviżżjoni.
Kienet l-ewwel darba li hi u binha setgħu jkunu flimkien weħidhom, iżda dakinhar, l-omm li hija Ukrena qabdet sikkina u ħanxret ras binha.
Kien il-missier li wara li spiċċa l-aċċess u ibnu ma rritornax lura, informa lill-pulizija li mill-ewwel marru fid-dar u sabu “massakru”.