Il-Ministru Farrugia fil-Parlament qal ukoll li rapport tal-Eurostat kien wera li f’Malta kwH kien jiswa 13c u fiż-żona Ewro kien 22ċ li jfisser 77% aktar.
L-istess statistika turi li l-familji Maltin u Għawdxin kellhom ir-raba’ l-orħos kontijiet fl-Unjoni Ewropea u kienu t-tieni l-orħos fiż-żona Ewro u irħas minna biss kienu il-Litwanja.
Fis-sena 2013, l-elettriku kien jiswa 17c kull kwH. Dakinhar il-prezz f’pajjiżna kien it-tlettax l-għola madwar l-Unjoni Ewropea. Bejn l-2008 u l-2013 Malta kellha l-ogħa żieda fit-tariffi tal-elettriku fl-Unjoni Ewropea u bejn 2013 u 2019 Malta kellha l-ikbar tnaqqis fit-tariffi tal-elettriku fl-Unjoni Ewropea.
F’sitt snin l-Enemalta irkuprat u ġiet mar-regoli Ewropej u għandna fost l-irħas tariffi fl-Unjoni Ewropea. Smajt xi ħadd jgħid grazzi lil Gvern Laburista li biddel ir-rotta u minn Ewro wieħed din ġiet tiswa l-miljuni?”, staqsa l-Ministru Farrugia.