Wara li sar uffiċjali t-trasferiment tal-midfielder Marokkin Sofyan Amrabat ma’ Manchester United, dan tal-aħħar xtaq iħalli messaġġ għall-partitarji ta’ Fiorentina, it-tim li kien qed jilgħab miegħu dan l-aħħar.
Amrabat qal li kien ta’ unur kbir għalih li libes il-flokk vjola tal-klabb u rringrazzja mhux biss lill-istaff tekniku tat-tim u l-plejers eks-kollegi tiegħu iżda wkoll lill-partitarji akkaniti li għamluh wieħed mill-idoli tagħhom.
Amrabat lagħab 83 logħba ma’ Fiorentina u skorja gowl wieħed biss.
