L-eks kowċ ta’ Manchester United Ole Gunnar Solskjaer se jkun qed jirritorna jmexxi tim hekk kif Besiktas ftiehmu miegħu sabiex jieħu r-riedni tat-tim f’idejh.
Solskjaer għandu 51 sena u se jirritorna f’din il-kariga wara żmien ta’ waqfa twila li damet madwar tliet snin.
L-eks plejer internazzjonali Norveġiż għandu jasal f’Istanbul matul dan tmiem il-ġimgħa biex jara lil Besiktas jilagħbu kontra Samsunspor qabel ma’ jiffirma l-kuntratt u jibda kapitlu ġdid fil-karriera tiegħu.
