Dawn l-allegati ‘deepfakes’ inħolqu bl-użu tal-AI u kienu mmirati lejn uħud mill-akbar artisti tal-kumpanija. Dawn jinkludu lil kantanti ta’ fama internazzjonali, inkluż; Beyoncé, Queen u Harry Styles.
Skont Sony, id-deepfakes kienu mmirati prinċipalment lejn mużiċisti li qed jippromwovu album ġdid.
F’kumment li ta lill-midja, il-President ta’ Sony Dennis Kooker qal; “Fil-każijiet l-aktar importanti, (id-deepfakes) potenzjalment jagħmlu ħsara lil kampanja ta’ rilaxx jew iħammġu r-reputazzjoni ta’ artist”
X’inhuma d-deepfakes?
F’dan il-każ, id-deepfakes huma reġistrazzjonijiet permezz ta’ awdjo ġġenerati jew manipulati minn intelliġenza artifiċjali (AI) biex jimitaw il-vuċi, l-istil u l-karatteristiċi uniċi ta’ mużiċist magħruf, u ħafna drabi joħolqu kanzunetti ġodda bil-kunsens tagħhom.”
Sony stqarret li n-numru ta’ kanzunetti ġġenerati b’dan il-mod qed jiżdied biss hekk kif it-teknoloġija tal-intelliġenza artifiċjali ssir irħas u aktar faċli biex wieħed jaċċessaha.