Iż-żewġ timijiet ta’ fuq f’La Liga, Barcelona u Real Madrid, it-tnejn ħarġu rebbieħa fi tmiem il-ġimgħa. Real għelbu lil Celta Vigo 2-0 b’goal f’kull taqsima waqt li Barca ħarġu rebbieħa 1-0 kontra Atletico Madrid fin-Nou Camp.
Marco Asensio (42) skorja l-ewwel goal ta’ Los Blancos u l-ieħor ġie minn daqqa ta’ ras ta’ Eder Militao (48) minn corner ta’ Asensio biex issiġġilla r-rebħa għat-team ta’ Carlo Ancelotti. L-uniku goal ta’ Barca skorjah Ferran Torres fl-44 minuta.
Meta għat-tmiem fadal tmien logħbiet oħra, Barcelona għandhom 75 punt, Real 65 u Atletico Madrid 60.
