Illum, il-Pulizija ġiet infurmata għall-ħabta tal-4:30 p.m., b’ inċident li seħħ fil-bajja tal-Blue Lagoon, Kemmuna.
Mill-ewwel stħarriġ irriżulta li Spanjola ta’ 18-il sena ġarrbet xi ġrieħi f’sieqha, meta waqt li kienet tiela’ fuq lanċa, intlaqtet mill-iskrun tal-istess lanċa li dak il-ħin kien attivat.
Hija ttieħdet l-Isptar Ġenerali ta’ Għawdex, wara li ngħatat l-ewwel għajnuna mill-għassiesa ta’ salvataġġ tal-Emergency Response and Rescue Corps (ERRC).
L-investigazzjonijiet tal-Pulizija b’rabta ma’ dan l-inċident għadhom għaddejjin.
Aktar kmieni: Żagħżugħa tintlaqat minn skrun ta’ dgħajsa f’Kemmuna
Żagħżugħa ta’ nazzjonalità barranija jidher li sofriet ġrieħi f’saqajjha hekk kif intlaqtet minn skrun ta’ dgħajsa f’Kemmuna.
Hija ttieħed l-Isptar Ġenerali ta’ Għawdex fejn qiegħda tingħata l-kura.
L-inċident seħħ għall-ħabta tal-4.30pm.
Aktar dettalji kif jaslulna.