Il-manager temporanju ta’ Manchester United, Ralf Rangnick, qal li Paul Pogba x’aktarx jitlef il-kumplament tal-istaġun minħabba l-injury fil-pexxul li sofra fit-telfa umiljanti ta’ 4-0 kontra Liverpool nhar l-Erbgħa li għadda.
Il-player internazzjonali Franċiż kellu jiġi sostitwit fl-10 minuta tal-konfront f’Anfield minħabba injury fil-pexxul, u l-injury mistennija żżommu barra għal minn tal-inqas l-erba’ ġimgħat li ġejjin.
Il-kuntratt ta’ Pogba mar-Red Devils mistenni jiskadi fl-aħħar ta’ Ġunju, u bi ftehim ġdid improbabbli f’dan l-istadju, il-midfielder seta’ lagħab l-aħħar logħba tiegħu mal-club.
Pogba, li għadu marbut ma’ clubs bħal Real Madrid, Juventus u Paris Saint-Germain, skorja goal wieħed u rreġistra disa’ assists f’27 dehra għal Man United dan l-istaġun.
