Starlites Naxxar BC u FIJO Developments huma kburin li jħabbru ftehim ta’ sponsorship ta’ sħubija. FIJO Developments se jkunu qed jappoġġjaw kemm timijiet tal-irġiel kif ukoll tan-nisa li jikkompetu fil-kompetizzjonijiet kollha organizzati mill-Malta Basketball Association (MBA) fl-ogħla diviżjoni. Dan il-ftehim ta’ sponsorship se jkun qed jappoġġja u jżomm il-livelli kompetittivi miksuba matul l-aħħar snin tat-timijiet tal-kbar kemm tal-irġiel kif ukoll tan-nisa.
Għal dawn l-aħħar snin FIJO segwew is-suċċessi multipli tal-club Starlites Naxxar Basketball li fl-istaġuni li għaddew wera l-potenzjal, is-saħħa u s-suċċessi tiegħu kemm fil-kompetizzjonijiet tal-ewwel diviżjoni tal-irġiel kif ukoll tan-nisa. Grazzi għal dan l-appoġġ il-club se jkompli jikber u jinvesti fil-programmi tal-basketball u l-ambizzjonijiet futuri tiegħu. Starlites FIJO ħerqana għal aktar suċċessi u aktar żviluppi tal-clubs.
