Id-Dipartiment tat-Tifi tan-Nar f’Londra ddikjara stat ta’ emerġenza maġġuri minħabba l-ammont ta’ telefonati li daħlu fuq il-linja telefonika tad-999 minħabba inċidenti relatati mal-maltempata Eunice.
Il-pumpiera kellhom ġurnata ferm impenjattiva hekk kif il-maltempata kkawżat irjieħ li jlaħħqu s-70 mil fis-siegħa.
Il-kamra tal-kontrolli hu stamt li ħadet mal-550 telefonata bejn l-10:30 a.m u s-1:00 p.m. Dan l-ammont ta’ telefonati jaqbeż ferm il-medja ta’ telefonati li jidħlu f’jum sħiħ.
L-irjieħ kkawżati mill-maltempata ħallew ħsarat estensivi fuq binjiet u vetturi. Kien hemm rapporti ta’ soqfa ta’ djar li spiċċaw biċċiet kawża tal-maltemp qalil li ħakem il-pajjiż.
