Il-winger internazzjonali Taljan Stephan El Shaarawy se jġedded il-kuntratt tiegħu ma’ AS Roma għal tliet snin oħra. Kien l-istess Faraone, kif inhu mlaqqam, li ħabbar dan kollu fuq il-profil soċjali ta’ Twitter.
Hu rritorna fil-belt kapitali Taljana flimkien ma’ ħuh u aġent tiegħu Manuel El Shaarawy sabiex jiddiskutu d-dettalji tat-tiġdid u t-titjib fis-salarju tiegħu.
El Shaarawy kien ingħaqad ma’ Roma fis-sena 2021 u minn dakinhar ‘l hawn lagħab 66 darba u skorja 11-il gowl. Hu kien jilgħab ukoll mal-Giallorossi bejn l-2016 u l-2019.
