In-nies ġew ukoll mistoqsija ma’ min l-aktar li jiddiskutu l-problemi tagħhom. Il-parti l-kbira wieġbu li dawn jiddiskutuhom fi ħdan il-familja li jgħixu magħha. Qalu wkoll li l-għajnuna jfittxuha l-aktar mingħand qraba li jgħixu magħhom u mhux mill-kollegi tax-xogħol.
Bħas-sena li għaddiet, l-aktar importanti għan-nies huwa d-dħul mill-impjieg. Għan-nisa, l-aktar importanti fix-xogħol tagħhom huwa s-sodisfazzjon li jagħtik ix-xogħol.
Mistoqsija dwar it-twemmin tagħhom, 90% qalu li huma jemmnu f’Alla. Madwar 12% ta’ dawk li għandhom bejn 26 u 35 sena qalu li ma jemmnux f’Alla.
