L-istħarriġ sab ukoll li kważi nofs in-nies li ħadu sehem fl-istħarriġ qalu li l-midja Maltija la tirrapporta ħafna u lanqas xejn dwar suġġetti li jikkonċernaw lilhom. It-televiżjoni u l-links tal-portals tal-aħbarijiet fuq Facebook baqgħu l-aktar mezzi segwiti biex in-nies isegwu l-aħbarijiet.
Lejn tmiem il-preżentazzjoni tiegħu, Dr Marmarà qal li “għandna poplu li għandu n-Nazzjon Malti għal qalbu ferm, komdu li jgħix Malta, komdu li jiġi assoċjat ma’ Malta u li jidentifika lilu nnifsu ma’ dak li hu Malti. Fl-istess waqt, il-poplu qed jassoċja lilu nnifsu mal-Ewropa aktar meta mqabbel mas-sena l-oħra.
