Stoke City aċċertaw ruħhom li jiksbu s-servizzi tal-attakkant Brażiljan Wesley Moraes. Dan tal-aħħar għandu 26 sena u sa ftit tal-ġimgħat ilu kien qed jilgħab ma’ Aston Villa. Hu dam erba’ snin magħhom wara li għamel żmien ma’ Club Brugge fejn kien saħansitra l-aqwa skorer tal-kampjonat.
Sadanittant, il-kowċ ta’ Stoke City Alex Neil qal li l-akkwist ta’ Moraes se jsaħħaħ id-dipartiment offensiv tat-tim wara li talab personalment lid-diriġenti sabiex imorru għalih.
