Il-Malta FA għamlet referenza għal stqarrija maħruġa mit-team tan-nisa ta’ Valletta FC, nhar il-Ġimgħa 22 ta’ Awwissu 2025, dwar inċident f’logħba tal-Assikura Women’s League kontra Birkirkara FC, li seħħ nhar il-Ħamis 21 ta’ Awwissu 2025.
L-Assoċjazzjoni tirrikonoxxi l-komunikazzjoni maħruġa minn Valletta FC u se taħtar spettur dixxiplinarju biex jirrevedi l-kwistjoni mingħajr dewmien.
L-MFA qalet li m’hemm l-ebda post fl-isport jew fis-soċjetà għal kwalunkwe tip ta’ abbuż jew diskriminazzjoni, u mġieba bħal din tmur kontra l-ispirtu tal-football, li huwa maħsub biex jaġixxi bħala pont bejn komunitajiet differenti. L-Assoċjazzjoni tikkundanna bil-qawwa kwalunkwe forma ta’ abbuż jew diskriminazzjoni razzjali.