Stuttgart ikkonfermaw l-akkwist permanenti tad-difensur Grieg, Konstantinos Mavropanos, mingħand Arsenal b’kuntratt sal-2025.
Iż-żagħżugħ ta’ 24 sena wasal fil-Bundesliga b’self fl-2020 u malajr stabbilixxa ruħu bħala figura ewlenija fil-qalba tad-difiża ta’ Stuttgart.
Wara li deher 21 darba fl-ogħla diviżjoni Ġermaniża s-sena l-oħra, Mavropanos skorja erba’ goals f’31 logħba tal-Bundesliga għal Stuttgart fl-istaġun 2021-22, u għen lit-team tiegħu jassigura postu fl-istess diviżjoni.
