Fl-1945 grupp ta’ suldati Amerikani li kienu qegħdin jiġġieldu lill-okkupanti Nażisti ġewwa l-Italja kienu serqu kejk ta’ għeluq snin tifla Taljana ta’ 13-il sena. 77 sena wara, id-Dipartiment tad-Difiża tal-Istati Uniti ħa l-okkażjoni biex “irodd lura” l-kejk lil Meri Mion, residenta tal-belt ta’ Viċenza
Il-każ tal-1945 kien iktar qisu xena mill-cartoons ta’ Tom & Jerry hekk kif suldati Amerikani li apparentament kienu bil-ġuħ – jew forsi r-riħa qasmitilhom qalbhom – ħadu l-kejk li omm Meri kienet ħalliet fit-tieqa biex jibred wara li kienet għadha kif ħarġitu mill-forn. Is-suldati Amerikani ġewwa l-Italja kienu maħbubin ħafna.
Illum Meri għandha 90 sena, u f’ċerimonja ħelwa suldati Amerikani tawha kejk biex b’hekk ipattulha talli 77 sena ilu hija kienet ġiet imċaħħda f’għeluq sninha.
