Il-Forzi Armati ta’ Malta aktar kmieni llum kienu msejħa biex isalvaw raġel li sab ruħu f’diffikultá waqt li kien qiegħed jgħum fl-inħawi ta’ Tigne f’Tas-Sliema. Iċ-Ċentru ta’ Koordinazzjoni ta’ Salvaġġ irċieva telefonata li fl-inħawi msemmija kien hemm raġel fil-baħar u minħabba l-kurrenti qawwija ma setax jitla’ lura l-art.
B’mod immedjat bdiet ħidma minn diversi suldati tal-Forzi Armati fejn marru fuq il-post permezz ta’ ħelikopter u lanċa. Wara li ġie llokalizzat ir-raġel, uffiċjal tal-Armata niżel mill-ħelikopter biex isalvah.
Fuq il-post kien hemm ambulanza b’tim mediku mill-Isptar Mater Dei li mill-ewwel bdew jagħtu l-ewwel għajnuna lir-raġel.
