Fl-aħħar jiem ittellgħa f’pajjiżna l-akbar summit ministerjali li qatt ġiet organizzata f’pajjiżna. Għalih ipparteċipaw 57 Ministru tal-Affarijiet. Is-summit tal-Organizazzjoni għas-Sigurtà u l-Koperazzjoni fl-Ewropa ma sarx fi żmien faċli. Apparti dan sena ilu, din l-organizazzjoni stess kienet fix-xifer.
Kien hemm nuqqas ta’ konsensus. Ma setgħux jiftehmu fuq min se jmexxi din l-organizazzjoni. Kien hawn li sponta isem Malta. Pajjiżna aċċetta din l-isfida. Minkejja kull riskju. Ir-riskji ma kienux żgħar. Fost dawn kien hemm dik li minħabba il-problemi li kien hemm, il-Presidenza Maltija setgħet tispiċċa b’sitwazzjoni fejn din l-organizazzjoni tisfaxxa.
Dań iżda ma ġarax. Ma seħħx għax it-tmexxija għaqlija diplomatika ta’ Malta wasslet biex fuq ammont ta’ xhur il-ħidma fl-OSCE kompliet miexja. Mhux hekk biss imma bdiet tiġi imwittija it-triq biex finalment l-organizzjoni tkompli għaddejja.
L-isforzi li saru taw il-frott. Dan għax minkejja l-problemi u t-tensjoni li kien hemm fis-summit minħabba il-preżenza tal-Ministru tal-Affarijiet Barranin Russu, finalment intlaħaq kunsens fuq l-uffiċjali. Dan ifisser li anke ir-Russja li tant kienet ikkritikata, ivvutat favur dan.
Illum kulħadd hu konxju fl-OSCE kemm kienet għaqlija id-deċiżjoni fl-aħħar tas-sena li għaddiet biex tkun Malta li tieħu l-presidenza.
Fuq kollox, l-għażla ta’ Malta ma waqgħetx mis-sema. Intgħażlet Malta għax ir-reputazzjoni ta’ pajjiżna hi waħda għolja. Il-leħen ta’ Malta għandu kredibilità.
M’hemm ebda dubju li llum grazzi għal ħidma Maltija, għandna organizazzjoni tal-OSCE li tista’ taħdem u topera. Organizazzjoni aktar reżiljenti. Fuq kollox illum hi organizazzjoni li qiegħda f’possibilità li tħares ‘quddiem.
Illum hi organizazzjoni li minn xifer ta’ falliment, spiċċat qiegħda tħares ‘lquddiem. Qiegħda taħdem u għandha ippjanati għadd ta’ iniżjattivi biex minnhom igawdi l-pubbliku inġenerali.
Dak li ġara fl-OSCE fejn minn organizazzjoni li setgħet tfalli u tispiċċa bla tmexxija, illum qegħdin narawha tħares ‘lquddiem u tipprova ġġib il-paċi fl-Ewropa, turi ħaġa waħda.
Turi ir-rwol importanti li l-pajjiżi ż-żgħar jista’ jkollhom u turi li d-daqs mhuwiex ostaklu għat-tmexxija jew l-impatt.
Dan hu legat ta’ Presidenza Maltija li għandna niftaħru bih. Hu legat li għandna li finalment nittamaw li jwassal għall-paċi.
