Hekk kif Wojciech Szczesny sar il-goalkeeper il-ġdid ta’ Barcelona, hu ffirma kuntratt sat-30 ta’ Ġunju 2025 u se jkun qed jaqla’ €3 miljun sal-aħħar ta’ dan l-istaġun.
Bosta ġurnalisti Spanjoli kitbu fil-ġurnal tagħhom kemm dan kien trasferiment insolitu għall-goalkeeper li kien se jirtira mil-logħba tal-futbol iżda reġa’ bdielu f’ċirkostanzi mhux daqstant komuni.
F’kumment qasir, Szczesny qal li kien Robert Lewandowski stess li kkuntattjah u sabha diffiċli jgħidlu le, proprju meta kien lest igawdi iktar il-familja.
