HITT Academy Tibhar kisbu l-ikbar rebħa tal-ġurnata fil-Kampjonat tal-Ewwel Diviżjoni tat-Table Tennis wara li għelbu lil Academy Home Trends 6-0.
Anke Mosta Gunners kellhom wirja kbira kontra Academy Valletta tant li rebħu 5-1 filwaqt li MITTC Butterfly sabu għadma iebsa f’Academy Andro għalkemm xorta rebħu 4-3.
Mill-banda l-oħra, Kyte Consultants għelbu lil Academy Roxon 4-2.
Fil-kampjonat tat-tieni diviżjoni, Academy Hexer u Academy ITX kisbu rebħiet identiċi ta’ 5-1 kontra Butterfly Rozena u Alpha Sensus rispettivament.
Anke Academy Legends u Academy FXP ħadu l-punti massimi wara skors identiċi ta’ 4-2 kontra PBC Table Tennis Blue Fire u Academy Supercores.
Finalment il-konfront bejn Butterfly Angela Bajada u Alpha Calleja Ltd irriżulta f’wieħed ferm bilanċjat għalkemm kienu tal-ewwel li rebħu 4-3.
