Alpha Gewo u Academy Tibhar żammew il-mument pożittiv tagħhom fil-kampjonat tal-Ewwel Diviżjoni tat-table tennis meta kisbu rebħiet identiċi ta’ 6-0 kontra Academy Roxon u Academy Valletta.
Anke Academy Andro u MITTC Butterfly kisbu skors ta’ 5-1 kontra Mosta Gunners u Academy Home Trends rispettivament.
Fit-tieni diviżjoni, MITTC Butterfly Angela Bajada irreġistraw l-ikbar skor ta’ 6-0 kontra Academy Legends b’Academy ITC li wkoll ftit sabu diffikulta’ sabiex jegħlbu lil Table Tennis Blue Fire.
Mill-banda l-oħra, Alpha Sensus u Alpha Calleja Ltd kellhom konfront kumbattut kontra Butterfly Rozena u Academy FXP bl-iskor finali jkun dak ta’ 4-2.
Fit-tielet diviżjoni, kien hemm rebħiet għal Topspin TT Academy Novacell, Bluegrip u Alpha Neoflex li ssuperaw lil Bluestorm (5-1), Alpha Dynatec (6-0) u Alpha Flexxon (5-1) rispettivament.
Finalment fir-raba’ diviżjoni, kien hemm konfront ferm bilanċjat bejn Academy Knights u Academy Beta b’tal-ewwel jirbħu 4-3.
Academy Skelton u Kindred kellhom rebħiet simili ta’ 4-2 kontra Academy 5Q u Special Olympics rispettivament. MITTC Tenergy għelbu lil Alpha Codexx bl-istess skor.
Academy Masters u Academy Sports Experience sabuha faċli sabiex jegħlbu lil Academy Kanter u Academy Omagaed 5-1 u 6-0 rispettivament.
