Wara waqfa ta’ ftit ġimgħat minħabba l-kampjonati nazzjonali, irritorna l-kampjonat tat-table tennis b’logħbiet mill-kampjonat tal-ewwel u tat-tieni diviżjoni.
Kien hemm rebħiet identiċi ta’ 5-1 għal HITT Tibhar u HITT Academy Hometrends li għelbu lil HITT Kyte Consultants u HITT Academy Valletta rispettivament.
Alpha Gewo xejn ma sabuha faċli kontra MITTC Butterfly għalkemm xorta rebħu 4-3. Mill-banda l-oħra, Mosta Gunners għelbu lil Top Spin Roxon 4-2.
Fit-tieni diviżjoni, l-akbar rebħa kisbuha Top Spin Super Cores li rebħu 5-1 lil Alpha Sensus. Sadanittant anke Alpha Calleja Ltd ħadu l-punti massimi wara li għelbu lil MITTC Angela Bajada 4-2.
Finalment PBC Table Tennis Bluefire u HITT Legends offrew logħba ferm emozzjonanti bl-iskor ta’ 4-3 jixhed dan kollu.