Il-plejer mill-klabb ta’ MITTC Matthew Zammit rebaħ ir-ranking tournament ta’ taħt id-19-il sena organizzat mill-Malta Table Tennis Association wara li fil-finali għeleb lil Luke Bonello 3-1. Kienet finali ferm interessanti bejn żewġ plejers li kienu fil-forma u li offrew logħob mill-aqwa. Minkejja l-oppożizzjoni denja ta’ Bonello, fil-ġurnata Zammit kien aħjar sabiex rebaħ din il-kompetizzjoni.
Biex wasal għar-rebħ ta’ din il-kompetizzjoni, Zammit għeleb Vladislav Lyksuh 3-1, lil Luke Fenech 3-2 u Gabriele Bianco 3-0.
Sadanittant MITTC kellhom ġimgħa pożittiva meta fi tmiem l-ewwel round tal-kampjonat nazzjonali tat-table tennis tal-Ewwel Diviżjoni spiċċaw fl-ewwel post flimkien ma’ Alpha Gewo u HiTT Academy WH Middle East hekk kif irkupraw il-logħob pospost li kellhom.
