Hekk kif id-dinja kienet fuq ix-xwiek tistenna x’se jiġri wara li jintemm l-ultimatum tal-Istati Uniti dwar l-Istrett ta’ Hormuz, bil-biża’ kienet li attakki fuq impjanti tal-enerġija kienu se jisplodu il-prezz taż-żejt, il-President Trump ħabbar ftit ħin ilu li ta struzzjonijiet biex jiġu postposti kwalunkwe attakki kontra l-impjanti tal-enerġija fl-Iran.
Il-President tal-Istati Uniti, Donald Trump iddikjara li “bi pjaċir nirrapporta li l-Istati Uniti tal-Amerika u l-Iran fl-aħħar jumejn kellhom konversazzjonijiet tajbin ħafna u produttivi rigward riżoluzzjoni sħiħa u totali tal-ostilitajiet tagħna fil-Lvant Nofsani.
Abbażi tat-ton ta’ dawn il-konverżazzjonijiet li se jkomplu matul il-ġimgħa, tajt struzzjonijiet lid-Dipartiment tal-Gwerra biex jipposponi kwalunkwe attakk militari kontra impjanti tal-enerġija u infrastruttura tal-enerġija Iranjani għal perjodu ta’ ħamest ijiem, soġġett għas-suċċess tal-laqgħat u d-diskussjonijiet li għaddejjin bħalissa.”
