Il-midfielder internazzjonali Ġappuniż, Takumi Minamino, jinsab fir-radar ta’ Inter.
In-Nerazzurri huma konxji mill-versatilitá ta’ dan il-player ta’ 27 sena li ma tantx kellu spazju fit-team immexxi mill-coach Jurgen Klopp.
Infatti, f’sentejn wara li ngħaqad mar-Reds mingħand RB Salzburg għal €7 miljuni, huwa lagħab biss 20 partita li fihom skorja 4 goals. Matul l-istaġun li għadda huwa kien misluf lil Southampton.
Bl-inklużjoni tiegħu, il-coach Interista Simone Inzaghi jkollu ħafna għażliet f’nofs il-ground.
Iżda r-Reds qed jitolbu €17-il miljun.
