Ġranet ta’ investigazzjonijiet intensivi wasslu għal sejba ta’ madwar 54kg droga suspettata
kannabis, b’valur fit-triq ta’ madwar €880,000.
Id-droga nstabet wara li lbieraħ ġiet iċċirkondata residenza f’San Pawl il-Baħar u saret tfittxija.
B’rabta ma’ din is-sejba ġie arrestat Taljan ta’ 48 sena.
Huwa qed jinżamm fil-lockup tal-Pulizija fil-Kwartieri Ġenerali, il-Floriana, filwaqt li mistenni jitressaq il-Qorti llum għall-ħabta 12.30pm quddiem il-Maġistrat tal-Għassa Dr Gianella Camilleri Busuttil LL.D.
