Aktar kmieni dalgħodu ċ-Ċentru tal-Kordinazzjoni tas-Salvataġġ f’Malta rċieva telefonata li kien hemm persuna f’diffikultà f’Ħofra l-Kbira f’Delimara.
Mill-ewwel bdiet operazzjoni ta’ salvataġġ mill-Forzi Armati ta’ Mata biex jaraw eżattament fejn kienet tinsab din il-persuna.
Kelliem għall-pulizija qal li l-każ seħħ għall-ħabta tas-6.30am meta persuni li kienu qegħdin f’għalqa semgħu għajta ta’ mara li bdiet titlob l-għajnuna. Irriżulta li kien hemm Taljana ta’ 46 sena residenti Ta’ Xbiex li mill-ewwel investigazzjonijiet jirriżulta li kienet mixja u waqgħet fil-Ħofra l-Kbira u ma setgħetx titla’.
Il-Membri tal-Forza Armati salvaw lil persuna u mill-ewwel ingħata l-ewwel għajnuna minn staff mediku minn Mater Dei li kien fuq il-post.
It-Taljana ttieħded lejn l-Isptar biex tingħata aktar kura, iżda l-kelliem għall-pulizija kkonferma ma’ talk.mt li l-mara mhux fil-periklu tal-mewt.
