L-attakkant Ingliż ta’ Roma, Tammy Abraham, kiser rekord fil-kampjonat Taljan fir-rebħa ta’ 3-0 għand Torino.
Bid-doppjetta li skorja kontra l-Granata huwa sar l-aqwa skorer Britanniku fis-Serie A fi staġun wieħed b’total ta’ 17-il goal … fejn kiser ir-rekord ta’ Gerry Hitchens li skorja 16-il goal għal Inter fl-istaġun 1961-62.
Il-goals tiegħu ġew skorjati fit-33 minuta u fit-42 minuta b’dan tal-aħħar jasal mill-11-il metru … bit-tielet goal għall-Giallorossi jasal minn penalty ta’ Lorenzo Pellegrini (78).
