Il-grupp River of Love ddiżassoċċjaw ruħhom mis-suspettat qattiel tal-Pollakka Dembska li bħalissa jinsab fl-Isptar Monte Carmeli għal aktar attenzjoni medika.
Il-Pastor Gordon Manche qiegħed ikun rappurtat li qal li bħala River of Love ma jafu xejn dwar is-suspetta u li dan qatt ma kien jagħmel parti mill-grupp.
Ma’ ġurnal lokali qal li bħalma jseħħ f’kull Knisja, m’hemmx kontroll fuq min jidħol u jipparteċipa u ta’ kuljum ikollok persuni ġodda li jattendu.
Dan seħħ wara li fl-aħħar sigħat beda jinxtered filmat ta’ membru mir-River of Love li f’messaġġi tal-bidu tas-sena l-ġdida kien juri s-suspettat qattiel u jsejjaħlu “Ħija”.
