Mosta …………2
Balzan…………1
Mosta kisbu l-ewwel rebħa tal-istaġun meta ġew minn wara biex għelbu lil Balzan bl-iskor ta’ 2-1, b’doppjett tan-Niġerjan Sunday Akinbule.
B’hekk huma nqalgħu mill-aħħar post tal-klassifika filwaqt li Balzan qed jaqsmu l-ħames b’sitt punti.
Kienu Mosta li ħarġu ħarġu l-aħjar u wara biss minuta, minn cross ta’ Jonas Rodriguez Ekani, id-daqqa ta’ ras ta’ Clayton Failla ġiet salvata mill-goalkeeper Vukasin Vranes.
Madankollu kienu Balzan li fetħu l-iskor minuta wara hekk kif Alex da Paixao Alves għadda lejn MILOS MIJIC li mill-viċin ma żbaljax.
Fir-raba’ minuta, Balzan resqu viċin meta Alex da Paixao Alves daħal tajjeb fuq il-lemin iżda għadda lejn Bojan Kaljevic minflok ipprova jikkonkludi biex iċ-ċans intilef.
Fit-12-il minuta, it-tentattiv ta’ Milan Duric għadda jħakkek mal-mimduda filwaqt li minuta wara Kaljevic kompla bit-takkuna lejn Mijic li fall bi ftit.
Fis-16-il minuta, Mosta kisbu d-draw meta crossta’ Ekani, SUNDAY AKINBULE daħal tajjeb minn bejn Augustin Loof u Michael Johnson u jegħleb lill-goalkeeper ta’ Balzan.
Fit-22 minuta, Roderick Briffa kien sfortunat li laqat il-minduda b’xutt minn barra l-kaxxa bil-goalkeeper Balzani megħlub għal kollox.
Man-nofs siegħa logħob, William Donkin daħal tajjeb mix-xellug iżda x-xutt angolat tiegħu ntemm ftit barra waqt li erba’ minuti wara, Ekani venven xutt minn barra l-kaxxa li wkoll spiċċa ftit barra.
Ħames minuti mill-ftutħ tat-tieni taqsima, Ekanji għadda l-ballun lejn Akinbule li xeħet barra u tliet minuti wara, azzjoni bejn Mijic, Zlatkovic u Kaljevic rat lill-ex-attakkant ta’ Mosta jimpenja lil Jovicic.
Fil-61 minuta, il-goalkeeper Mosti kien prominenti b’save mill-isbaħ fuq xutt b’saħħtu ta’ Milos Mijic minn barra l-kaxxa u l-istess player reġa’ impenjah fil-75 minuta b’xutt ieħor minn barra l-kaxxa.
Żewġ minuti wara, Mosta skorjaw il-goal tar-rebħa meta Failla xeħet fit-tul lejn SUNDAY AKINBULE li qabeż lill-goalkeeper Vranes li ħareġ biex jantiċipah u b’kalma kbira tefa’ ġewwa.
MOSTA: 61-Marko Jovicic, 6-Roderick Briffa, 7-William Donkin (14-Johnson Nsumoh 67), 13-Clayton Failla, 22-Tyrone Farrugia, 24-Ivan Doric, 27-Mehdi Hetemaj, 34-Rafael Morisco, 77-Zachary Brincat (16-Gianluca Sciberras 67), 88-Sunday Akinbule (30-Luis Riascos 86), 98-Jonas Rodriguez Ekani – Coach: Joseph Grech
BALZAN: 83-Vukasin Vranes, 3-Augustine Loof, 5-Samir Arab, 6-Marcus Grima (88-Sean Cipriott 80), 7-Milan Djuric (77-Aleksa Andrejic 80), 8-Paul Fenech (30-Pedro Mota 89’), 10-Alex da Paixao Alves, 15-Michael Johnson, 19-Milos Zlatkovic (22-Gary Camilleri 80), 23-Milos Mijic, 86-Bojan Kaljevic (21-Neil Frendo 89) – Coach: Mark Miller
REFEREE: Matthew Degabriele
ASS. REFEREES: Jurgen Spiteri, Thomas Debono
RABA’ UFF: Slawomir Olucha
SKORERS: M. Mijic 2 (B); S. Akinbule 16, 78 (M)
AMMONITI: I. Doric, T. Farrugia, S. Akinbule (M); P. Fenech (B)
PLAYER TAL-LOGĦBA: Sunday Akinbule (Mosta)
