Karim Benzema skorja hat-trick fit-tieni taqsima hekk kif Real Madrid għelbu lil Barcelona 4-0 fin-Nou Camp biex għaddew għall-finali tal-Copa del Rey b’aggregate ta’ 4-1.
Real fetħu l-iskor Vinicius Jr fil-ħin żejjed tal-ewwel taqsima waqt li Benzema żied żewġ goals kmieni fit-tieni taqsima – fil-50 u fit-58 minuta, it-tieni minn penalty – biex poġġa lill-viżitaturi fil-kontroll u għaqqad il-hat-trick waqt li ssiġilla r-rebħa fit-80 minuta.
Għaldaqstant t-team ta’ Carlo Ancelotti se jiltaqa’ kontra Osasuna fil-finali tas-6 ta’ Mejju wara li dawn ġew draw 1-1 wara l-ħin barrani biex għaddew b’aggregate ta’ 2-1.
Inaki Williams (33) kien poġġa lil Athletic minn fuq u bl-iskor bl-aggregate isir 1-1 kien Pablo Ibanez li skorja l-goal tar-rebħa ta’ Osasuna.
Il-Katalani jistgħu jikkonslaw lilhom infushom bil-fatt li qed jersqu lejn l-ewwel titlu tal-kampjonat mill-2019, wara li diġà rebħu s-Super Cup Spanjola.
Madankollu, għat-team ta’ Ancelotti, issa hemm skop doppju – l-insegwiment ta’ rebħiet taċ-Champions League u l-ewwel trijonf tal-Copa del Rey f’disa’ snin.
