Ħames plejers rebħu l-kategorija rispettiva tagħhom hekk kif l-Erbgħa filgħaxija ntlagħab l-ewwel tournament ta’ kwalifikazzjoni għat-Tazza tan-Nazzjonijiet 2024.
Fil-finali tal-irġiel, Johan Attard rebaħ lil Gary Carr 10-4 filwaqt li fil-finali ta’ taħt it-23 sena, Casdy Vella għeleb lil Deacon Formosa 9-5.
Jake Castaldi kien ir-rebbieħ tal-finali ta’ taħt it-18-il sena wara li għeleb lil Nordai Desira 9-5.
Kevin Schembri għeleb lil Stephen Mangion 10-5 fil-finali tal-kategorija ta’ ‘l fuq minn 40 sena filwaqt li f’dik ta’ ‘l fuq minn 50 sena, Jesmond Schembri għeleb lil Marco Bonello 10-7.
Fil-jiem li ġejjin jibda t-tieni tournament ta’ kwalifikazzjoni fejn minnhom ikollna sett ta’ ħames plejers oħra rebbieħa.
