It-team mis-Serie D Taljana Afragolese talbu lill-federazzjoni Taljana tal-Futbol sabiex jilagħbu l-logħba li jmisshom Gladiator nhar il-Ħadd li ġej bil-bibien magħluqa wara li grupp ta’ partitarju tal-klabb issuttaw il-coach li kienu fiha bil-ġebel.
Dan kollu ġara wara li t-team tilef il-partita f’daru kontra Fasano bl-iskor ta’ 1-0. L-istess diriġenza ta’ Afragolese għamlu rapport lill-pulizija filwaqt li ħarġu stqarrija sabiex jikkundannaw dawn l-inċidenti li huma ferm gravi u mhux tollerabbli. Saħanistra, l-istess klabb qed jaħsibha jilgħabx il-kumplament tal-partiti f’daru mingħajr partitarji sabiex ma jkunx hemm xi tip ta’ ġlied.
