Il-kowċ Olandiż Erik ten Hag jista’ jerġa’ lura fil-Premier League wara li tkeċċa minn Bayer Leverkusen f’Settembru li għadda, ftit xhur biss wara li kien tilef xogħlu ma’ Manchester United.
Ten Hag jidher li hu fost il-kandidati biex jieħu post Vitor Pereira ma’ Wolves, li tkeċċa wara t-telfa 3-0 kontra Fulham. Pereira kien salva lill-klabb mir-relegazzjoni b’sitt rebħiet konsekuttivi u ffirma kuntratt ġdid f’Settembru, iżda tkeċċa sitt ġimgħat biss wara minħabba l-bidu negattiv ta’ dan l-istaġun.