In-numru wieħed tad-dinja, Iga Swiatek ikkonkludiet staġun dominanti billi għelbet lill-ħames seed, it-Tuneżina, Ons Jabeur, fl-Open tal-Istati Uniti biex rebħet it-tieni titlu ewlieni tagħha fl-2022.
Il-Pollakka Swiatek ta’ 21 sena rebħet 6-2 7-6 (7-5) biex kisbet dan it-trofew tant prestiġjuż.
Hija rebħet l-ewwel set b’mod faċli iżda fit-tieni set, Jabeur ta’ 28 sena, kienet sfida denja fejn intrebaħ b’tie break … għat-tielet Grand Slam personali.
Iż-żewġ rebħiet preċedenti ta’ Swiatek waslu fuq it-tafal fl-Open ta’ Franza.
Jabeur tilfet ukoll fil-finali ta’ Wimbledon, f’Lulju li għadda, fejn għadha qed tfittex l-ewwel unur.
Il-finali ta’ Flushing Meadows kienet laqgħa bejn iż-żewġ players ewlenin fit-Tour WTA din is-sena, iżda Swiatek uriet il-qawwa tagħha hekk kif, bla dubju, hija l-aqwa fid-dinja.
