It-tennista Serb Novak Djokovic wasal l-Awstralja, sena wara li kien deportat mill-pajjiż wara li rrifjuta li jieħu l-vaċċin kontra l-COVID-19.
Djokovic se jkun qed jilgħab fit-tournament internazzjonali f’Adelaide fit-tentattiv li jirbaħ l-10 titlu tas-singles matul ix-xahar ta’ Jannar.
Il-plejer ta’ 35 sena deher kalm mal-wasla tiegħu fil-kontinent u fl-uniċi kummenti li ta lill-ġurnalisti preżenti fl-ajruport kien li dak li ġara s-sena l-oħra hu passat u issa jħares ‘il quddiem lejn aktar suċċessi.
