Dalgħodu, għall-ħabta tas-7:15 a.m., il-Pulizija ġiet infurmata b’inċident tattraffiku fi Triq l-Imdina, Ħ’Attard. Il-Pulizija marret minnufih fuq il-post u minn stħarriġ preliminari rriżulta li mara ta’ 29 sena residenti San Pawl il-Baħar ntlaqtet minn Mazda Demio misjuqa minn mara ta’ 28 sena residenti r-Rabat.
Fuq il-post issejjaħ tim mediku, waqt li ambulanza ħadet lill-mara l-Isptar Mater Dei.
Il-Maġsitrat Dr. Antoine Agius Bonnici LL.D. ħatar inkjesta, filwaqt li l-investigazzjonijiet tal-Pulizija dwar dan l-inċident għadhom għaddejjin.