Il-coach nazzjonali ta’ Taħt is-17-il sena tat-Tfajliet, Clint Tabone, ħabbar skwadra ta’ 20 player għall-partiti validi mill-kwalifikazzjoni tal-Kampjonat Ewropew, li se jintlagħbu fil-jiem li ġejjin.
It-team żagħżugħ Malti se jkun qed jiffaċċja lil Bulgarija, li Lussemburgu u lil Azerbaijan fi Grupp B2 tar-Round 2 tal-kompetizzjoni, bil-logħbiet se jsiru, fil-Bayil Stadium, fl-Azerbaijan.
L-ewwel partita ta’ Malta se tkun kontra l-Bulgarija, għada, l-Erbgħa 12 ta’ Marzu, fil-11.00 am. (8.00 am ħin ta’ Malta).
Din se tkun segwita bil-konfront kontra l-Lussemburgu, nhar is-Sibt 15 ta’ Marzu, fl-istess stadium u fl-istess ħin.
L-aħħar partita se tintlagħab kontra t-team ospitu, l-Azerbaijan, nhar it-Tlieta, 18 ta’ Marzu, fil-Bayil Stadium, fis-1.00 pm (10.00 am ħin ta’ Malta).
L-iskwadra ta’ 20 player imsejħa mill-coach Clint Tabone hija:
Goalkeepers: Maya Muscat (Hibernians), Julia Maria Zarb (Lija)
Difensuri: Amy Bello Catania, Jade Galea, Edeson Grixti (Hibernians), Kesia Farrugia (Lija), Amy Portelli (Swieqi U.), Krista Sacco (Birkirkara)
Midfielders: Amberley Borg, Erika Cini (Lija), Danicia Ciantar (Valletta), Shaiel Falzon (Swieqi U.), Alanah Ghio (Hibernians), Thais Muscat (San Gwann), Nina-Lee Naudi (Sampdoria – Italja), Shanaya Zammit Farrugia (Birkirkara)
Attakkanti: Lisa Calleja (Lija), Lara Micallef (Hibernians), Mariah Micallef (Birkirkara), Shanaia Mifsud (Valletta)
