Kien mijiet ta’ persuni li għall-ħabta tal-00.19am marru fuq il-midja soċjali jistaqsu jekk dak li kienu ħassew kinitx theżżiża.
Fil-fatt fuq il-paġna Universitarja tal-Grupp ta’ Monitoraġġ u Riċerka Sismika ġiet reġistrata theżżiża kkawżata minn terremot li tkejlet 5.2 fuq l-iskala richter tolqot il-gżejjer Maltin.
Din it-theżżiża saret fl-istess post li kienu qegħdin isiru sensiela ta’ terremoti fl-aħħar xhur.
Ta’ min jgħid li matul il-ġurnata tal-Ġimgħa skont l-istess paġna Universitarja kienu ġew irreġistrati żewġ theżżiżiet oħrajn.
