Il-futur tal-midfielder internazzjonali Spanjol Thiago Alcantara jidher li se jkun fis-Super Liga Torka b’Galatasaray li qed jinteressaw ruħhom fih. Il-viċi-president tal-klabb Erden Tumur mar l-Ingilterra f’dawn l-aħħar jiem biex jitkellem mad-diriġenti ta’ Liverpool u eventwalment jaslu biex jiksbu l-firma ta’ dan il-plejer.
Thiago Alcantara għandu 32 sena u ilu mar-Reds sa mis-sena 2020 bl-aħħar staġun li xejn ma kien wieħed mill-aqwa tant li minn 28 dehra hu ma skorja l-ebda gowl u ma wettaq l-ebda assist. Il-kuntratt tiegħu mar-Reds jiskadi fl-2024.
