L-eks plejer ta’ nofs il-grawnd ta’ Barcelona Thiago mistenni jirritorna fil-Camp Nou bħala parti mill-istaff ta’ kowċis li jgħin lill-manager Hansi Flick. It-tnejn li huma ħadmu flimkien fis-sajf sakemm il-kowċ Ġermaniż seta’ jidra l-ambjent il-ġdid fil-Katalunja u eventwalment anke l-lingwa. Fil-fatt, Thiago kien qed jgħinu wkoll fit-traduzzjoni mill-Ispanjol għall-Ġermaniż.
Hekk kif l-eks plejer ta’ 33 sena waqaf għal kollox mill-futbol, issa se jibda avventura ġdida fil-kowċing bit-tama li jrawwem aktar din il-karriera fil-futur.